سلام عليييييييييييكم
نبدا
الخكاريا ما حطو روسهم بشغله إلا مسخوه وضيعوا خاصيته !
إذا كشتوا أخذوا معهم كتلوج للخيمه !
إذا ذبحوا خروف قشروه بدل سلخه !
إذا طبخوا بالبر حطوا صابون مع الأكل
بدل ما ياخذون كوره يركبون مرجيح قدام الخيمه
إذا طلعوا من الخيمه تدهنوا بكريم واقي شمس وشالوا شمسيه
كل هذا عادي منحب نتدخل بالخصوصيات لكن تاصل لحوض الشاص يقلبون سحنته ويشوهونه
ما نقبل !!
أعجبتني قصيده عن الخكاريا والشاص وحبيت تقرونه معي!
يا شاص جيتك ناوي اليوم أعزيـك
........................قرب يجيك الموت حـان ارتحالـك
من يوم شفنا لابس ألكـاب راعيـك
.......................مدري وش اللي غير اليـوم حالـك
أبـو سبيـب كنهـا شكـة الديـك
.........................يمشـي وكنـه مـوردك للمهالـك
إن كـان ذا حالـك فحنـا نخليـك
.........................عقب الربـع قالـو ترانـا رجالـك
عقب الكوامري ولعبـن بالشرابيـك
.....................واليوم فوق الشاص عقب الكدالـك
مـا بـقـا الايقلبـونـك تماتـيـك
.......................ويبـدلـون ألمرتـبـه بالمـدالـك
مادام حطولـك جنـوط وسيراميـك
.......................اصبر وتحمـل كـل شـي ينالـك
يا للي ركبته وش تبـي بالمهاليـك
.....................غلطان أبوك اللي رضا وشترا لـك
الشاص ماهو لك ولا هـو باغيـك
...................الشاص للرجال اللي تعرف المسالك
لصار جـو البـر يمخـش اياديـك
.......................خله يجـي قرمـن يسوقـه بدالـك
مدام طوقك مرتفـع عـن علابيـك
.........................وأبـوك زود بالنعـومـة دلالــك
عز الله إن أبوك ما عـرف يربيـك
.....................ولامسك نصب المساحـي بشمالـك
لمـع وضلـل صافيـات الشبابيـك
....................ولا يفارق الفيري مع الوقـت بالـك
الشاص مالك به أقصار خطاويـك
........................حـدك الدائـري وهـذا مجـالـك
تحياتــي
موضوع: حتى الشاص ماسلم الخكاريا!! 
الإثنين يونيو 09, 2008 3:11 am