السلام عليكم ورحمة الله وبركاته
هذه قصيدة سمعتها من احد اصحابي
عن الخيانة * الله لا يبتلينا *
من عافنا يا زين عفناه *** نضرب على اسمه ونلغيه
لا نهتف باسمه وذكراه *** ولا اللسان يجيب طاريه
طي الحبل حبه طويناه *** ماعاد لي ردة أنا فيه
مثل ما ينسى نسيناه *** في سلة الاهمال نرميه
جسر المحبة بيننا هدمناه *** وقطعنا الماء الي في مجاريه
أول إذا اقطع وصلناه *** وننشد عن علومه وما بيه
واليوم بالمرة رميناه *** دامه تبين ذا الغدر فيه
عافه القلب من زود ما جاه *** يا ناس بانت لي خوافيه
لو كان غالي ترى رخصناه *** الي يبعنا هل كيف نشريه
وسلامتكم
تحيات المجهول؟!؟!؟!؟!؟!؟
موضوع: الله لا يبتلينا 
الجمعة يونيو 13, 2008 11:12 am